前港姐入行19年，啱啱坐完月稱最勇敢嘅事係……

較早時，前港姐楊思琦為香港開電視《是敢的》節目做嘉賓，接受主持梁梓禧訪問，提到佢喺2001年當選港姐冠軍入行，到而家已經19年。

演藝之路并非一帆風順，但楊思琦一直勇敢面對各種困難：「最勇敢嘅事，一定系係小朋友，我仲生咗兩個。」

楊思琦啱啱坐完月，身形冇幾大改變，佢指仔仔比較“大隻”，生產嗰陣好辛苦，稱得上係真正嘅十級痛。

提到疫情持續，楊思琦指囡囡楊卓穎（Krystal）停課，啱啱留喺屋企一齊照顧細佬，會幫手攞手巾同奶樽，係一個好好嘅小助手。

講到楊思琦，其實佢喺2012年3月份生落囡囡卓穎并隨母姓楊，2014年4月楊思琦約滿TVB后決定唔續約，同TVB結束13年賓主關係，劇集《大藥坊》亦都係佢離巢告別作。

2019年中，楊思琦同圈外男友喺外地結婚，同年10月公布大肚嘅消息。楊思琦對老公嘅姓氏、職業保密，只強調係中國人，并以「愛的森林」嚟形容兩人關係。

唔理點樣，宜家見到楊思琦一家人咁幸福，真係替佢哋開心，祝福你哋永遠幸福快樂喔。