前港姐入行十年，新劇一句對白都冇慘變「佈景板」

大多數港姐喺選美結束之后都會獲TVB力捧上位，被安排主持同拍劇，即使港姐季軍亦不遜色，好似蔡少芬、佘詩曼同胡杏兒等亦拍劇無數，成為TVB花旦！

可惜，同樣貴為港姐季軍嘅莊思明喺新劇《使徒行者3》中只係飾演黃智雯嘅下屬，佢喺劇中雖有唔少鏡頭，但一句對白都冇，慘變「佈景板」。

講到莊思明，其實佢出世喺一個富裕家庭，老竇係大馬拿督莊寶坐擁8億身家，佢喺2010年嘅時候就去參加香港小姐競選，攞到季軍好成績從而入行。

莊思明入行以來有過兩段拍拖，佢喺2011年曾經同陳慧琳細佬陳司翰拍拖，兩個人拍拖多年經常發生沖突，曾經被拍到喺中環嘈交，三離三合最后分手收科。

正因為莊思明家境富裕，所以佢同楊明拍拖咁多年，總係有人話楊明「食軟飯」，對此莊思明其實好介意，莊思明曾經社交平臺發聲，聲稱男友并冇用過自己一分一毫，男友仲主動承擔起兩個人嘅平時生活支出。

呢幾年，有好多人都話莊思明旺夫，因為楊明自從同佢拍拖以嚟，演藝事業發展越嚟越好，喺TVB逐漸上升到一線位置，而且楊明嘅燉湯店生意都唔錯，莊思明仲成日去男友鋪頭幫手。

之前莊思明成日攞家姐莊思敏嘅婚禮做擋箭牌，而家家姐已經嫁人，都應該輪到佢同楊明啦，希望佢哋早日拉埋天窗，早日可以生個可愛嘅寶寶。