前港姐高海寧（高Ling）入行12年，呢排人氣急升，三套劇集輪住播出，陪家庭觀眾電視撈飯，佢憑借實力成功上位，雖然事業得意，感情卻失意。
皆因，較早前高海寧同音樂人鄧智偉宣佈分手，正式恢復單身，但佢直言：「對婚姻仲有憧憬，而且對于感情，我係一個執著嘅人。」
記者問到高海寧現時係咪已經放低呢段感情？佢表示好多嘢都係順其自然發生，我係一個鐘意計劃嘅人，但喺娛樂圈好多嘢計劃唔到，尤其感情方面。
傾到擇偶條件，高海寧笑言年紀越大就唔會有太多要求，如果揀麵包或者愛情，我會揀愛情，因為麵包我可以賺。」
高海寧不嬲低調處理感情事，記者笑問下次拍拖，會唔會考慮學習馬國明同湯洛雯轟烈公開曬愛，佢表示每個人處理方法唔同，佢係偏向低調。
現年33歲嘅高海寧曾經講過想35歲前結婚，記者問到而家係咪要押后？佢直言順其自然，唔會咗為嫁而嫁。
高海寧仲話：「我對婚禮係有憧憬嘅，我一定會結婚同想生BB，既然我有呢個心，變相我一定相信婚姻等于幸福，以前可能覺得結婚之后，就要全心全意相夫教子，但而家結婚之后都想繼續事業，咁樣先至有自己嘅價值。」
Like MisshkNews Facebook！不出门也能知天下事～
