都話“女本柔弱，為母則剛”，2001年嘅港姐冠軍楊思琦為咗照顧女兒更加系密密接工作，做到根本就停唔落嚟，又拍戲又出席商演活動，較早前重返TVB出席慈善活動《歡樂滿東華》。
不過忙中有錯，喺忙起身嘅時候，楊思琦就唔小心整親咗腳趾，傷口睇落好似都幾深，但系扠咗藥嘅佢已經止血，應該就唔需要縫針。對此，楊思琦就喺社交網上留言寫道：“好想只系特技化妝……可惜！真系好痛，太唔小心！” 
事后佢喺社交網上就表示自己唔小心撞到，佢話：“我喺屋企唔小心整親，因為著拖鞋踢到尖嘅嘢，傷口都幾深。雖然止到血唔使縫針，但而家仲好痛，開唔到車，行路都要拐下拐下，大力走就好似想裂開噉樣。下個禮拜仲要返內地出騷，都擔心到時著唔到高踭鞋呀。” 
其實講到楊思琦，相信大家都唔會陌生，1978年生嘅佢喺參選港姐嘅時候，但同時奪得“最上鏡小姐”等六個大獎，成為“六料冠軍”，卸任后嘅佢就連隨獲得TVB嘅力捧，開始參演劇集，發展其演藝路。 
楊思琦參演嘅第一部劇集《loving you我愛你2》就已經擔任第三女主角，同年第二部《繾綣仙凡間》就已經首次擔任第一女主角，星途平坦順利。隨后仲有《無名天使3D》、《人生馬戲團》、《銀樓金粉》、《鐵馬尋橋》、《千謊百計》、《大藥坊》等。 
唔理點樣，希望楊思琦嘅腳傷可以早日好翻曬，都希望佢喺搏命奮斗嘅同時，可以留意自己嘅身體安全，祝福！
Like MisshkNews Facebook！不出门也能知天下事～
