前港姐一家五口住過天臺屋，啱入行唔夠錢做人情

TVB新劇《金宵大廈》自從出街以嚟有口皆碑，劇集以單位劇為主，最新播出嘅單位《鴉烏》，故事圍繞高海寧飾演嘅周小惠一家。

劇中高海寧系虎媽，同老公陳忠廣（陳嘉輝飾演）育有一個仔仔東東（鄭耀軒飾演）。

高海寧呢幾年曝光率好高，除咗係因為TVB冇花旦之外，離唔開佢自己嘅努力。

高海寧喺2008年參加《香港小姐》入圍五強，獲旅游大使獎并進入娛樂圈。啱啱入行嘅時候，高海寧成日要著性感露事業線，隨著演出經驗豐富，佢已經開始收起性感。

高海寧喺13歲嗰陣從南京嚟到香港生活，與兩位分別相差7年同10年嘅細佬住喺同一間嘅天臺房。嗰陣全家都住喺旺角女人街一座大廈嘅天臺屋，因為初啱啱做藝人收入唔多，放工之後就翻屋企食飯，盡量減少出街應酬。

高海寧話最難忘係同屆港姐徐淑敏（現改名徐菁遙）于2009年結婚，受邀參加結婚宴。但當時高海寧收入有限：
“當年去酒店至少都要畀800蚊（人情），但佢連800蚊都攞唔出，戶口先得600幾元，佢將僅剩嘅600蚊拎出，剩低嘅幾十蚊就冇辦法從柜員機拎出，就帶住600蚊去參加婚宴。”

因為呢件事，高海寧有反思自己係咪適合呢行？好彩，高海寧有屋企人支持，令佢一直堅持冇放棄，每當有幾十蚊冇辦法攞出嘅時候，媽咪就會入錢湊夠100蚊，讓佢可以提款。

2010年起，高海寧嘅收入漸漸穩定，而家更成功置業升呢做包租婆，捱過低潮期冇忘記父母養育之恩，一齊分享成果，主動肩負起細佬嘅教育費。