TVB人氣處境劇《愛回家之開心速遞》，自從2017年2月開播到而家，一直深受廣大觀眾歡迎，劇中唔少演員更畀隨著劇集熱播而人氣急升，更帶攜咗唔少工作商機增加收入。
為咗令觀眾繼續保持新鮮感，據悉《愛回家之開心速遞》呢個大家庭即將再迎來新人加入，佢就係2019年港姐「友誼小姐」得主陳熙蕊（Blossom）！
日前，陳熙蕊接受訪問嘅時候，已經率先透露自己將會喺《愛回家之開心速遞》中擔任演阿壯（焦浩軒飾）女朋友一角，佢笑著講：「我嘅角色叫Grace陳凱琳，好攪笑，我開始冇諗過係一個藝人嘅名，就係飾演阿壯女朋友。呢個角色係大小姐，但佢哋好快就散咗。」
據悉，現年26歲陳熙蕊係應屆港姐，雖然三甲不入，但憑住過人氣質，佢仲係奪得咗「友誼小姐」殊榮，并獲得TVB青睞，喺上個月正式與TVB簽合約成為「TVB親生女」。
出道未到一個月就有劇拍，而且仲係一個有名有對白有故仔嘅角色，呢個唔係一般新人待遇。
講到首次拍劇，陳熙蕊坦言好緊張，但好在獲得劇組唔少演員同事鼓勵：「我入到《愛回家》之後發現大家都好Nice，好鼓勵我。其實我拍第一場戲嘅時候有啲病，喉嚨差啲就失聲，我開始都好驚，但佢哋同我講『唔緊要，聽唔出來』，令我覺得好淡定。」 
明顯，TVB對陳熙蕊予以悉心栽培，令佢一出道就有劇拍有工開，相信假以時日，陳熙蕊繼續獲捧TVB力捧，累積多啲角色演繹經驗，令演技更加好，一定會闖出好成績，加油！
Like MisshkNews Facebook！不出门也能知天下事～
