前港姐「復出」大曬凍齡靚相，當年爭闊少最轟動！

現年46歲嘅前港姐冠軍翁嘉穗，自從喺1999年下嫁比佢大20年嘅富商鄔友正之后，就退出娛樂圈，一直專心相夫教子，享受豪門少奶奶生活。

呢排，翁嘉穗一改低調作風，破天荒開設社交平臺賬戶，除咗大曬凍齡靚相之外，仲大方分享喺美容、繪畫、美食方面嘅心得。

當年嘅港姐冠軍翁嘉穗，除咗攞到冠軍之外，仲攞咗「東方美態大獎」、「都會魅力大獎」同「最上鏡小姐」合計四個獎項，成為當年嘅大贏家。

雖然當時有好多人高呼造假，話翁嘉穗只係憑住TVB高層何麗全出口力讚先可以勝出，不過喺之后嘅國際華裔小姐、環球小姐比賽都可以獲得第五同第二，先平息咗民怨。

而獲得港姐亞軍同國際親善小姐嘅李明慧，除咗喺選美方面輸畀咗翁嘉穗，連愛情都要輸畀呢個宿敵。

想當李明慧喺卸任港姐之后就單方面公布同富商鄔友正嘅婚事，點知又畀鄔友正否認，并而帶住正印女友翁嘉穗出現，即刻震驚全港。

事后，李明慧以淚洗面嘅同時，大鬧翁嘉穗橫刀奪愛，結果翁嘉穗成功同鄔友正結婚，并育有兩子，李明慧只得到咗130萬分手費，之后更加遠走美國。

好在2003年李明慧喺美國嫁已故教育家陳樹渠兒子陳耀陽，兼夾生咗一對龍鳳胎，過住幸福闊太生活。