前港姐「卸貨」做媽咪，自曝早產2星期

日前，前港姐岑杏賢被傳順利誕子，但當事人未有正式回應。呢日佢終於喺社交平臺宣布喜訊，佢代BB留言話：「大家好，我個名叫Preston，雖然我早咗2個禮拜出世，但醫生話我係健康同強壯嘅BB。」

岑杏賢又透露點解仔仔改名叫Preston，因為Preston諧音似Present，提醒BB要「Live IN the Present」，即係活在當下。

講到岑杏賢，其實佢舊年10月9日喺社交平臺宣布婚訊，另一半係加拿大籍任職金融界嘅張嘉俊，佢哋於11月29日喺香港注冊結婚。

由于岑杏賢本身患有甲狀腺亢進症，佢一直好擔心會遺傳畀BB，好彩懷孕嗰幾個月甲狀腺生指數都正常，懷孕期間佢宣佈暫時離開《愛回家》劇組，宜家佢卸貨成功，期待岑杏賢早日迴歸劇組。