前港姐朱智賢（Ashley）畀爆背著謝東閔搭上有婦之夫黎振燁之後，雖然獲得男友謝東閔護航，但形象依然係直插谷底、事業急凍，包括《東張西望》主持工作亦都畀煞停。
朱智賢雪足半年終於見曙光，呢排朱智賢逐漸「蒲頭」，開頻道拍片兼做義工派物資「洗底」，又頻頻做運動操弗，準備好隨時復工。
日前朱智賢再出動跑步，即使素顏上陣依然氣色好好，佢留言話：「咁多年嚟，我都好憎跑步，覺得跑步係最辛苦嘅運動。」
朱智賢仲話：「今日我打破咗自己嘅紀錄，之前跑開3km嘅我，今日竟然可以跑到6.6km，好滿足！所以一定要post番張相留念，跑得慢唔緊要，只要唔好停落嚟就得。」 
咁啱呢日男朋友謝東閔孖住袁偉豪、胡諾言、陳山聰開跑，唔知朱智賢係咪受謝東閔影響，而鐘意咗跑步呢？
講到朱智賢，其實佢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。
啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。
後尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。
最后missH祝福朱智賢事業發展得越嚟越好！
Like MisshkNews Facebook！不出门也能知天下事～
