TVB新劇《木棘證人》正在熱播，當中飾演「MissKo」嘅前亞姐張文慈并未為劇集造勢，皆因較早時佢因為工作關係北上廣州，因為避免返香港要隔離14日，所以佢選擇繼續暫住大陸。
尋日見到張文慈喺抖音拍片，見到佢攤喺張床上對眼通紅，而且額頭仲出現一大片紅印，佢把聲嘶啞噉話：「我終于打敗仗啦，我尋晚開始狂咳，然后有痰，仲一啲發燒。」
由于病咗又冇人照顧，張文慈情緒相當低落，更爆喊話：「今日一早起身，原來我一個人嚟廣州，好似揾個朋友照顧都冇，屋企人又冇，工人都冇，愛我嘅人都冇，有時覺得自己努力咁耐，唔知為咗乜。」
不過張文慈馬上變得堅強話：「我會好快好返嘅，對唔住，我今日好醜怪，希望你哋可以畀我祝福。」
講到張文慈，其實佢曾經到日本留學，后尾喺1996年嗰陣就通過參選亞姐而入行，雖然未能進入前三，但表現出位嘅佢同大多數藝人一樣，喺選美結束之后就進入到亞視，開始發展其演藝路。
期間，張文慈曾經參演過唔少經典嘅劇集，譬如《肥貓正傳》、《天長地久》、《流氓律師》、《縱橫四海》、《影城大亨》、《我和僵尸有個約會》、《情陷夜中環》、《法網群英》等。
不過可惜嘅係，張文慈喺2010年嗰陣就離開咗亞視，受洗成為基督信徒。然而呢一年，對於佢嚟講，都係一個全新嘅開始。
后尾轉投到TVB嘅張文慈，憑借《宮心計2深宮計》中嘅汪司膳一角，演技大獲好評，贊佢演技收放自如。
而喺跟住落嚟嘅《木棘證人》中，唔知道張文慈到時又會給我哋帶嚟點精彩噶演出呢？大家不妨一齊拭目以待！
Like MisshkNews Facebook！不出门也能知天下事～
