前「TVB花旦」商天娥喺2014年正式離巢，終于喺舊年高調宣佈回巢，參與《BB來了》續集《BB大晒》嘅拍攝，而今日佢哋啱啱喺TVB電視城拍攝完新劇中鬼殺咁嘈嘅一幕。
《BB大晒》呢部劇集主演有馬國明、岑麗香、商天娥、龔慈恩、吳岱融等人，另外配角嘅陣容都好唔錯，有李國麟、張穎康、譚凱琪、陳自瑤、吳業坤、車婉婉等人。 
劇集其實只係開拍咗幾日，不過因為馬國明、吳岱融、商天娥三個人已經識咗好多年，所以拍攝起身默契十足。
另外拍攝呢部戲最開心嘅應該係商天娥，佢話：「覺得自己可以同型男視帝馬國明合作好榮幸，我回歸第一場戲就係床上戲，仲要手拖手，你哋一定要睇，睇完你哋就會明白。」
講到商天娥，其實佢祖籍廣西南寧，喺香港長大，佢喺第12期TVB藝員訓練班畢業之后，就成為TVB簽約演員。
做咗兩年茄哩啡之后，憑借同張國榮合演嘅劇集《儂本多情》而走紅，喺80年代商天娥都係TVB力捧花旦之一，曾經坐上過一線花旦嘅位置。
90年代，商天娥開始慢慢發福，然后TVB開始改力捧邵美琪、羅慧娟等人，商天娥演出機會變少咗。
喺1995年商天娥轉投亞洲電視，但嗰陣亞視已經開始慢慢減少劇集嘅制作，所以佢演出機會都唔係好多，但商天娥喺亞視拍攝嘅制作《我和春天有個約會》、《僵尸道長2》畀大家留低咗深刻嘅印象。
后尾商天娥曾經喺2003年重返TVB，拍攝劇集《隔世追兇》，2014年商天娥正式宣佈離巢，之后商天娥接觸過音樂劇，喺2019年宣佈重返TVB拍攝《BB大晒》。
据悉，商天娥同馬國明其實喺《BB大晒》係母子關係，非常期待商天娥喺新劇中嘅表現，加油！
Like MisshkNews Facebook！不出门也能知天下事～
