現年40歲嘅前TVB花旦周勵淇（Niki），舊年年尾突然間宣布與內地男星傅浤鳴結婚，兩個人低調喺外國舉行婚禮，只宴請親友出席見證。
升呢做人妻之后，周勵淇仍然繼續忙住幕前工作，今日佢現身社交平臺曬出近照，從背景可見周勵淇應該喺外地度假，佢身穿松身白色吊帶裙上陣，側身留低倩影，而且冇穿鞋。
周勵淇仲留言：「慢慢生活，慢慢感受，迎接更好嘅未來，＃捉住夏天的尾巴。」有網友紛紛猜測：唔通佢同老公已經造人成功？
其實，周勵淇不嬲都好鐘意小朋友，佢對胞姐周汶锜（Kathy）嘅兩個仔仔更加係痛錫有加。不過對于有喜一事，周勵淇并無回應。
有粉絲就表示，三個禮拜之前，周勵淇曾經發文貼出做健身嘅相，透露自己因為頸椎問題要好好鍛煉加強身體。 
相信各位粉絲對于周勵淇都好熟悉，佢入行咁年曾經主演過多部TVB人氣劇集，演技深入民心。
舊年，周勵淇宣布約滿TVB并離巢發展，轉簽約英皇旗下。而《再創世紀》一劇，就成為咗周勵淇係TVB最后一部作品。
2018年12月，周勵淇突然間公佈喜訊，透露自己已經同內地演員傅浤鳴喺海外完婚，由于男方曾經離異并同前妻育有一個八歲仔仔，所以兩個人嘅婚信傳出之后，馬上惹來網友熱議。
唔理點樣，愛無分對錯都無需理由，希望周勵淇婚姻幸福，都希望早日傳出喜訊，祝福！
Like MisshkNews Facebook！不出门也能知天下事～
