前「TVB花旦」周海媚雖然貴為單身一族，但佢不愁寂寞，因為有五隻愛犬日日陪伴，仲齊齊住喺萬呎豪宅，而愛犬們更加係食得好住得豪，更可享用專屬嘅大浴缸。
日前係其中一隻愛犬9歲生日，周海媚梗係要幫佢慶祝生日，特別訂造供狗狗生日蛋糕，見到其愛犬冇幾耐就將生日蛋糕食曬。
唔少網民激讚周海媚好有愛心，不過其中有一位網民就特別關心其感情生活，留言反問佢：「咁有愛，點解唔生個仔？」此話即令周海媚留言「反擊」：「關你乜事?？」。
另外都有網民可能「餓劇」太耐，留言叫周海媚唔好凈係掛住發短片：「姑娘快接劇本去！」周海媚又回覆話：「你唔理得我，我開心！」
其實講到周海媚，當年佢係1985年香港小姐選美出道，都係無線電視1980年代末至1990年代末的當紅花旦，期間佢飾演過多套經典劇集，如《流氓大亨》、《倚天屠龍記》。
周海媚用咗4年時間證明自己，1989年憑《義不容情》李華一角一炮而紅，成為當紅花旦。
人紅是非多，周海媚當年拍劇嗰陣搭上呂良偉，并喺美國拉斯韋加斯秘密注冊結婚，結婚短短五個月以離婚收科。
之後周海媚做小三，插足人夫永瀨正敏，導致夫妻離婚。
喺周海媚眾多追求者中，有唔少大富豪，比如迪生集團執行董事伍士榮。
2000年，周海媚畀爆出同曾任職亞視助導周家文展開姐弟戀并同居，但兩年后亦系分手收科。而最長久嘅一段戀情就係同建築師男友劉先生，相戀六年最後都係分手收科。
多段戀情無果，可能係因為冇仔生，周海媚曾經自曝過無法生育，因為天生血小板過低。
唔理點樣，希望周海媚拍多D戲，快D度過難關，快樂又開心緊面對一切。
Like MisshkNews Facebook！不出门也能知天下事～
