呢排受到新型冠狀病毒肺炎疫情持續，各行業都受到影響，現階段相信大部分人都會留喺屋企少出街，即使出街都要戴口罩做好個人防護。
前「TVB花旦」林夏薇尋日曬自拍照，見到佢除低口罩，林夏薇仲留言講∶「出街透啖新鮮空氣。＃小清新」。
唔知道林夏薇係咪P圖P得太過度，見到林夏薇好似20歲出頭嘅僆妹，有網友就話第一眼仲以為係蔣文雅。
呢幾年TVB多位花旦選擇約滿離巢，不過都有離巢冇幾耐之後回巢嘅藝人，林夏薇就係其中一位。
林夏薇喺2015年下嫁身家超過廿億嘅金融才俊莫贊生（Jason），當外界都認為林夏薇結婚之後會退出娛樂圈專心做少奶奶，但其實結婚之後嘅佢好忙，啱啱好遇上佢事業上升期，一直劇接劇忙不停。
而林夏薇都指經常因為拍劇錯過咗幾個同老公慶祝嘅節日，加埋較早時佢揸車遇到意外之外，傷及頸部同手臂，令老公Jason好擔心，讓佢覺得愧疚。
所以林夏薇喺2018年7月份宣佈約滿唔再續約，決定調理身體同老公全力造人，當時有唔少網友都對佢離巢大感可惜。
不過相隔十個月之後（2019年5月），林夏薇突然改變生B計劃，佢宣佈簽約邵氏兄弟繼續拍新劇《機動部隊2》。
當時問到係咪為咗拍戲而押后生寶寶？佢否認指其實都有好多劇招手，而自己都有戲癮，加埋老公都好支持自己嘅事業，只要分配好時間就得，唔影響調理身子，所以冇問題嘅。
拍攝完《機動部隊2》之後，林夏薇仲同拍乸陳展鵬拍攝《逆天奇案》，兩人都係繼三年前《乘勝狙擊》之後再次合作做情侶，而劇集都有望喺今年出街，大家千祈唔好錯過！
Like MisshkNews Facebook！不出门也能知天下事～
