前「TVB花旦」曬出兒時同老竇合照，網民紛紛留言勁得意

呢排，前「TVB花旦」鐘嘉欣傳出會回巢TVB拍攝《兒童醫院》，相信大家好快又可以見到昔日嘅女神。呢幾年長居加拿大嘅佢，生咗BB之後一直喺當地照顧小朋友，十分幸福。

父親節啱過冇幾耐，日前鐘嘉欣都追上IG嘅潮流，曬出自己同老竇嘅合照，更加附上自己嘅兒時相，網民紛紛留言勁得意。

除此之外鐘嘉欣仲喺母親節當日，都曬出咗同阿媽嘅合照，大家睇嚇鐘嘉欣似邊個？

講到鐘嘉欣，其實佢自從喺2015年宣布與圈外脊醫男友JeremyLeung結婚之後，宜家育有一子一女，鐘嘉欣以湊仔與家庭為理由，而暫時淡出娛樂圈，一家四口嘅日子過得相當幸福甜蜜。

2018年3月鐘嘉欣喺社交平台宣佈懷上二胎，同時宣布與TVB合約到期，并感謝公司過去13年嘅栽培。