前「TVB花旦」大曬仔女瞓覺相，胡杏兒都忍唔住激贊可愛

前「TVB花旦」鐘嘉欣自從2015年下嫁年長十幾歲嘅骨科醫生Jeremy之後，喺同年八月份宣佈大肚，喺加拿大生落囡囡梁愛晨（Kelly），舊年再落落囝囝，湊成好字。

而鐘嘉欣成為人母之後，演藝事業逐漸減少，將重心擺喺家庭上，雖然演藝作品減少，但鐘嘉欣依然活躍于社交網站，而今日佢大曬仔女瞓覺嘅相，并寫住「Happy Siblings Day❤️❤️❤️！」（兄弟姐妹节快乐！）

憑呢張相就令網友覺得鐘嘉欣一家好溫馨之外，都激贊佢兩個細路好得意，連胡杏兒都忍唔住留言話：「Too cute！」

日前4月9號係鐘嘉欣嘅36歲生日，佢喺社交平臺曬出慶祝生日嘅靚照，一眾圈中好友包括倪晨曦、廖碧兒、趙學而、陳凱琳、胡定欣、李施嬅、黃智雯等人紛紛留言送上祝福。

鐘嘉欣仲留言話：「I feel loved.Thank you！My only wish this year is for our world tobecome healthy again.（我感受到愛，多謝！今年唯一生日愿望希望世界再次變得健康。）」

唔理點樣，宜家見到鐘嘉欣一家人咁幸福，真係替佢哋開心，祝福你哋永遠幸福快樂喔。