今年58歲嘅戴志偉，近幾年好少喺螢幕前蒲頭，最近傳媒采訪到佢，無論幾時都系西裝骨骨，笑容可掬嘅佢，感恩大家仲記得佢。
后生嗰陣嘅戴志偉，冇諗過自己會做演員，自嘲生咗一副順風耳，點會有人賞識？十幾歲就喺政府水務局做抄表員工作。 
偶然一日，喺街上畀星探發掘，但於是踏上咗漫漫演藝之路，最初拍咗兩部電影，邊個會諗到所在電影公司卻執笠，佢霎時間變成失業青年，好在自己有唱歌呢個一技之長，於是不得不拎住起結他去民歌餐廳獻唱，生活先得以順利繼續落去。
不甘現狀嘅佢，覺得唱民歌只能解決當下危急，都要為未來做進一步嘅打算。於是，喺1981年加入無線藝員訓練班，同期嘅仲有影帝劉德華，梁家輝等。
雖然未能好似佢哋一樣大紅大紫，但佢演出嘅奸角同樣令人難忘，更畀大家封為「TVB御用奸角」。
初入演藝圈時，佢憑青春陽光嘅外型飾演正派角色，最為人熟知嘅《射雕英雄傳》中飾演蒙古四王子拖雷，以英氣勃發嘅形象人氣急升，機緣巧合之下，開啟咗奸角之路。
好似《神雕俠侶》嘅趙志敬、《新扎師兄》嘅張家明、《鹿鼎記》飾演奸人鄭克塽、《創世紀2天地有情》嘅許文坤等，每個角色都奸到出汁。由於反派角色深入人心，以至觀眾對佢印象固化，好難有轉型嘅機會。
喺TVB嘅后期階段，佢嘗試飾演一啲正派嘅角色，無奈反映平平，演藝事業失意，讓佢轉行去保險業發展，開創另一片天地，現時已經做到分區高級經理。
得閑嗰陣都會幫TVB客串，過過戲癮，譬如舊年嘅《飛虎之潛行極戰》入面“極戰”行動嘅策劃人何Sir。
而家戴志偉離開咗TVB，坦言唔后悔唔彷徨，每人嘅命運際遇唔同，就算角色做到再好，無奈戲路越行越窄，有時并唔系只要努力就可以達成愿望嘅。
佢言談舉止中，畀人一種淡然知足嘅感覺。問到有冇羨慕華仔，家輝？戴志偉笑言：“最緊要系自己睇得開，每個人都有優點同缺點，做到問心無愧就得嘞。”
喺TVB服務多年嘅佢，感嘆自己做唔到一線，TVB嘅人工又低，自己一定要出去發展先得。90年代開始已經一邊拍劇，一邊開公司做地產。 
97年金融風暴來襲，佢承認對自己有影響，但系自己頂得住，因為自己唔系一個好貪心嘅人。
生活中嘅戴志偉，系個好爸爸好老公，對老婆痛愛有加，兩個仔大學畢業已投身社會，平時兩大愛好：唱歌同踢波。
舊年同一班朋友開演唱會享受唱歌嘅樂趣，得閑仲會同大家一齊嚟踢波，放松心情。
縱觀戴志偉嘅過往，佢明白游戲規則，不斷增值自己，就算離開TVB都活得瀟灑自在。人生就系噉樣，不斷做選擇題，選擇一個艱難而又重要嘅決定，決定咗之後，就系全力以赴，珍惜所擁有嘅一切步履前行。
Like MisshkNews Facebook！不出门也能知天下事～
