前「TVB小花」為囡囡慶生，契媽佘詩曼揼低工作前來捧場

前「TVB小花」姚樂怡同圈外老公吳俊匡結婚7年，兩公婆生咗一個囡囡（乳名小雞髀），而尋日就係小雞髀4歲生日，姚樂怡同囡囡大搞生日party。

圈中好姊妹「七魔女」成員佘詩曼、湯盈盈都有出席，身為契媽嘅佘詩曼更加係面上畫咗雪人公仔彩繪，同契女斗得意。

姚樂怡喺社交平臺留言祝囡囡生日快樂：「冬至Baby小雞髀，尋日嘅生日party好開心，多謝好多朋友、契媽佘佘要做嘢都趕過嚟，愛你哋喲，小雞髀同朋友仔玩得超開心，尤其話切蛋糕小朋友邊食邊攞糖糖好得意。」

現年46歲嘅姚樂怡係前TVB藝人，同佘詩曼、周家蔚、湯盈盈、梁靖琪、文頌嫻同鐘麗淇畀譽為香港娛樂圈七魔女，七姊妹感情相當好，仲成日約埋一齊聚會。

姚樂怡喺TVB期間演出過多部經典劇集，有《陀槍師姐》、《鑒證實錄》、《皆大歡喜》、《西游記2》、《封神榜》、《法證先鋒》、《搜神傳》等等，但都係以配角為主，未有太大發揮。

2008年姚樂怡感概入行10年專做配角，好難有發揮機會，於是決定約滿之後離開TVB，轉行成為一個經理人，而家姚樂怡事業家庭幸福美滿，祝福佢哋一家人永遠幸福快樂。