前「TVB小花」李彩華今年初榮升做人妻，36歲嘅佢已經到咗適育年齡，加埋媽咪較早前開到口想早啲抱孫，所以決定加快步伐，滿足媽咪心愿。
較早時，李彩華同老公到被譽為希臘最浪漫之地圣托里尼島旅行，務求喺浪漫嘅環境下一擊即中，可惜返香港有一段時間仲未有大肚跡象，「兩人去三人返」愿望落空。
李彩華話：「其實圣托里尼島係我夢寐以求想去嘅地方，一定要同生命中最重要嘅人一齊去。較早時媽咪開口講想早啲抱孫，呢度風景咁靚，可以睇到最靚嘅日落，喺咁好嘅環境下，原本諗住成功造人嘅機會會大啲。」
無奈事與愿違，好彩老公為佢拍咗好多靚相留念，都算係不枉此行，李彩華換上唔同造型喺酒店附近取景，帶嚟嘅多款泳衣大派用場。
對于老公對佢千依百順，李彩華直言初為人妻，夫婦之間要時間磨合，也需要遷就同包容，而結婚之後到而家，佢依然係畀老公打滿分。
講到李彩華，大家對佢最深刻嘅印象應該係《回家的誘惑》中破壞別人家庭嘅小三艾莉，但其實喺現實生活中嘅李彩華同劇中嘅艾莉係有好大嘅反差。
當年李彩華老竇投資失敗導致破產，爭落咗高達百萬嘅債款，為咗替父還債，佢選擇咗撈錢最快嘅行業，進入娛樂圈。
憑借出眾外貌同姣好身材，一開始李彩華嘅演藝事業都算係一帆風順，但之後李彩華畀雪藏，李彩華曾經自曝：「當時佢嘅寰宇老板希望我提供工作以外嘅服務，但都畀我拒絕咗」。
寰宇更要求李彩華賠一大筆違約金，再加上老竇債務仲未還完，走投無路嘅李彩華當時唯有靠同媽咪喺街上擺攤賣衫嚟維持生活。
之後李彩華意識到唔一直噉落去，要靠自己揾路行，於是佢決定去大陸發展，將重心轉向內地，成功大翻身！
雖然李彩華之前嘅事業愛情都好坎坷，但而家佢覓得良人都算係苦盡甘來啦，都係希望李彩華喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
