前「TVB小花」嫁入豪門夢破碎，凈身出戶慘到爆！

前「TVB小花」陳昭昭早年轉行做生意發展得唔錯，2017年尾佢順利嫁入豪門，老公李志豪為咗圓佢喺教堂結婚嘅夢想，受洗成為天主教徒，結婚當日大排筵席相當風光。

據知，陳昭昭同老公因為結婚之後一齊生活，慢慢發現有好大分歧，完全應驗咗「相見好、同住難」，最初大家嘗試忍讓，更曾經尋求婚姻輔導，可惜未能解決問題，經常嗌交。

加埋陳昭昭經常要返大陸做嘢，聚少離多，夫妻感情更加難以修復，最終因為第三者介入離婚收科，陳昭昭老公已經喺舊年底離開香港，到柬埔寨生活同創業重新開始。

陳昭昭離婚之後，老爺即刻收返名下三層樓，贍養費每個月只有一蚊，凈身出戶慘到爆！

其實陳昭昭同老公分開，一早有跡可尋，舊年佢生日，老公冇現身慶祝，呢幾個月佢仲成日畀影到做“獨行俠”，一個人寂寞食飯、行街，有時更見佢愁眉深鎖，似乎有好多心事！

事後記者致電陳昭昭問到離婚嘅事，佢表示：「至於離婚原因，我唔想講咁多，不過因為Franky喺柬埔寨搞生意需要資金，所以我還番畀老爺，等佢哋按咗啲樓可以有多啲本錢去做。」

講到陳昭昭，其實佢係TVB藝員訓練班出身，曾經參演電視劇《茶是鄉下濃》等，但發展一般，之後轉戰有線電視，同陳梅馨、張綺桐主持《性在任你Call》，大膽作風成功出位。

陳昭昭電影方面，代表作有《人頭豆腐湯》電影以當年尖沙嘴公仔藏屍案為藍本，片中佢嘅大膽演出成為焦點。佢亦有參與ViuTV劇集《詭探》、《詭探前傳》，其中一場性感勾引鄭少秋嘅戲份令人津津樂道。