前「TVB小生」得番半年命，眾星紛紛捐款

前「TVB小生」陳積榮（Jeff）喺舊年8月嗰陣突然拍片表示患上第四期肺癌，而且有擴散跡象，經醫生診斷之后最衰情況可能得番半年命。

陳積榮仲話：「我同長跑10年嘅圈外女友Lilian原先計劃結婚，宜家逼不得擱置。」而陳積榮女友Lilian話：「橫掂都係佢，唔急，最緊要醫好病。」

陳積榮嘅好朋友孫慧雪喺3月2日再次公開為佢籌藥費，希望大家可以出小小力捐錢畀佢，就算係一封利是錢都OK嘅！希望大家可以幫手啦！

事后孫慧雪接受訪問時透露，宜家陳積榮嘅狀況都唔係好理想，但知道佢仲對演藝事業滿懷理想，所以希望大家可以為佢出一分力。

事后圈中唔少藝人亦有回應支持，好似有阿Bob林盛斌、徐榮、姚嘉妮、林芊妤同埋陳自瑤等人，當中更包括陳自瑤囡囡王靖乔嘅利是錢，佢年紀細細已經識主動捐款去幫助有需要嘅人，真係好愛心。

唔理點樣，希望陳積榮早日康復，相信佢會過得越嚟越好，加油！