兩大香港小姐曾商討拆后冠鉆飾 向海嵐直言噉系抵押物業

馬黎珈而（前名黎姿，Gigi）今日以CosMax醫學美容行政總裁身份到尖沙嘴，為九龍首間旗艦店舉行揭幕禮，圈中好友張可頤、林保怡、向海嵐、伍詠薇同張晉等賀。

向海嵐對于楊婉儀按香港小姐后冠，佢話有留意新聞，但冇聯絡對方，相信對方暫時都比較忙，問到按后冠會否覺得可惜？佢話：「唔覺得可惜，后冠一直畀人感覺唔值錢，我當年就話值一百六十萬。」

向海嵐話一直將后冠放喺夾萬，多年嚟只系攞過出嚟一次出席港姐活動，佢透露多年前曾經同楊婉儀傾，不如將后冠鉆石做其他首飾，但最終不了了之，大家都想留個紀念，最后佢覺得抵押后冠就好似其他人抵押物業一樣，唔使特別去噉看待。