舊年10月升呢做人夫嘅TVB視帝陳展鵬，新婚未夠一個月連隨就宣布太太單文柔有喜，豬年即將榮升人父嘅陳展鵬，喺老婆懷孕期間，更加系呵護周到，事無大小關懷備至，較早前更畀港媒影到夜麻麻帶孕妻出街食宵夜，全程都扶著老婆好小心，十足24孝老公！
呢排，陳展鵬喺社交網曬出一張相，惹來唔少網民關心。相中可見，佢參加初哥爸爸培訓，模擬為BB換尿片，見佢帶上口罩安全功夫做到足，表現得好認真謹慎！佢坦言，對于現階段市場提供嘅專業陪月員未足夠，所以諗住自己增長育兒知識，事事親力親為，要為BB出世做足淮備。
佢又留言話：「豬爸爸豬媽媽，Are you Ready，I am Ready。」父愛爆棚嘅陳展鵬睇嚟，真系好期待小生命嘅到來！
陳展鵬曾經對外承認，與太太系奉子成婚，當得知太太有喜之后，自己多月嚟亦全面停工陪伴左右，不過踏入2019年1月，佢又準備要為新劇開工嘞。受訪嘅時候，陳展鵬笑指自己結婚之后肥咗15磅，有發福跡象，為咗配合新劇角色形象，即日起要開始減磅操肌。
1977年出世嘅陳展鵬，現年41歲，好多劇迷都認得，佢曾經系亞視當紅嘅小生之一。雖然成名于亞視，但其實陳展鵬系無線嘅親生仔（出身于TVB）！據悉，陳展鵬讀完中學之后就參加咗第七期無線藝員訓練班，之后就順利簽約TVB旗下，開始出道發展。
不過，初出道喺無線嘅時候，陳展鵬并未獲得重用，經常被安排喺劇集中做茄喱啡，都難以令觀眾留下深刻印象。直到2002年，陳展鵬為求新突破決定離巢，并連隨轉投到亞視旗下繼續發展，主力拍電視劇。
佢喺亞視期間，拍過唔少代表作，比如《愛在有情天》、《我和僵尸有個拍拖III之永恒國度》、《方德與苗翠花》等，呢啲都系好多劇迷心中嘅經典之作。陳展鵬喺亞視快手上位成為力捧小生之一，同時又開始涉足主持界，為亞視節目擔任司儀同嘉賓。
不過，隨著亞視嘅沒落，陳展鵬喺2008年又再重返外家TVB，并連隨接拍劇集《桌球天王》。喺劇中，佢演青年版鄭少秋角色，對白同戲份都唔多。直到喺人氣劇集《烈火雄心3》中，佢演消防區長彭志斌一角大獲關注，人氣急升。 
多年嚟，陳展鵬喺無線參演咗唔少劇集，近年更穩坐TVB一線小生地位，主演咗唔少膾炙人口嘅佳作，劇集包括《情越雙白線》、《讀心神探》、《真相》、《沖呀！瘦薪兵團》、《巨輪》、《單戀雙城》、《城寨英雄》以及《張保仔》等。期待睇到陳展鵬更多精彩佳作，加油！ 
Like MisshkNews Facebook！不出门也能知天下事～
