人走未必茶涼，前「TVB小生」張明偉獲一眾好友慶祝生日

喺《愛回家之開心速遞》中演補習天王佐治嘅「TVB小生」張明偉，早日突然喺社交平臺宣布離開劇組，唔少粉絲紛紛表示唔舍得，更加指明因為佐治呢個角色先識到張明偉。

不過人走未必茶涼，一班《愛回家之開心速遞》嘅好友「朱凌凌」吳偉豪、「熊心如」蘇韻姿同「Candy」葉蒨文就為張明偉慶祝32歲生日。

見到張明偉捧住個蛋糕，笑得見牙唔見眼，佢話：「喺TVB十個年頭，贏到嘅係真摯嘅友誼同大家厚厚嘅愛，過埋牛一，前面嘅路就要靠自己努力衝出來 。」

講到張明偉，其實佢畢業於美國加州大學洛杉磯分校（UCLA）嘅傳理系，鐘意唱歌做戲嘅佢，2012年畢業于第25期TVB藝員訓練班，翌年參加過《星夢傳奇》，自彈自唱《Let it be》，大展音樂才華。

其實張明偉本身係創作歌手，以及係樂隊主音同結他手。張明偉老竇同阿哥都係法律界人士，媽咪係英文老師，家境相當富裕，所以張明偉啱入行嗰陣一度畀標簽為玩玩嚇嘅富二代。

 張明偉表示知道自己幸福，但都有各自嘅辛酸同難處，無論標簽係正面定負面，佢都要承受、接受，工作上亦無得抵賴，無藉口做得唔夠好。