日前，謝霆鋒妹妹謝婷婷喺社交平台宣布產女嘅喜訊，但謝婷婷之前一直都自稱單身，大家對佢另一半嘅印象仲停留喺同“鷹眼”嘅扮演者JeremyRenner上。
謝婷婷自從舊年5月出席過一次活動之後，一直神隱，連喺社交平台都唔多活躍，就算分享近照都系遮肚嘅pose。 
咁睇，謝婷婷同前阿嫂張柏芝一樣，BB嘅生父身份都系一個謎。
2008年謝婷婷以模特身份出道，第二年就簽約到王晶旗下，成為咗“晶女郎”。
2009年參加“世界小姐比賽”進入到10強，2012年成為咗亞洲第一女模特。
雖然起點夠高，但演藝事業平平無奇。
不過謝婷婷嘅感情路比事業要精彩得多，基本上只要佢系單身狀態，就一定唔會有“空窗”期。
當年19歲嘅謝婷婷仲喺加拿大讀大學，2001年左右返香港放暑假，就畀影到與任職財務顧問男友白恩榮拍拖，二人經常喺蘭桂坊夜蒲，後來更加系不滿畀記者跟，男方大打出手，鬧上法庭。 
2002年謝婷婷畀踢爆與男友互通情信，非常露骨，但兩個人冇幾耐之後分手。 
2004年12月謝婷婷畀影到同陳鴻業共度圣誕，喺朋友圈嘅相中更見到，兩個人公然拖手兼互咀，表現得好似熱戀情人，之後兩個人再畀影到去中環夜蒲過年卅晚元旦。 
跟住謝婷婷轉咗口味，同模特兒Jay Alexander拍拖，後來男方返紐西蘭讀書而分手。
跟住同夜場DJ Drafus Chow撻住，不時畀影到返寓所過夜。 
冇隔幾個月，又換男朋友，畀影咁多次幾乎都系外國人。 
2008年謝婷婷與安志杰譜出戀情，呢次系佢拍拖最耐嘅一段情，更一度傳出婚信。
不過兩個人喺2013年分手，有指佢覺得對方不思進取，推拍《一代宗師》同沉迷打機。 
與安志杰分手之後，同年6月謝婷婷畀拍到同名媛李桂蘭仔仔戴尚安蜜游泰國，兩個人大方公開戀情，仲傳過有結婚計劃，不過戀情只維持得一年，男方喺IG交代兩個人已分手。
有指因為男方愛蒲，之後二人曾經翻撻，但最後分手收科。 
之後謝婷婷一直以單身自居，2016年尾謝婷婷同“鷹眼”Jeremy Renner傳出緋聞，而且佢喺接受訪問嘅時候。
仲不時提起“鷹眼”，并表示大家見過家長，同佢屋企人、就連佢4歲女都好熟。 
不過“鷹眼”唔系咁覺得… 
之後謝婷婷馬上改口風：“佢唔系我男朋友，我哋冇真正拍拖”，眼睇”鷹眼“開心咁做住“Family Man”。 
而升呢做公公嘅謝賢被問到“鷹眼”系咪女婿嘅時候，亦一貫“一問三唔知”：“你問我，我問邊個？”，甚至連外孫女都暫時仲未見過。 
做媽咪系一件開心嘅事，對于謝家嚟講更加系喜事，不過點都好，都要恭喜謝家喜添新成員，祝細路仔健康成長。 
Like MisshkNews Facebook！不出门也能知天下事～
