“香港小姐2018”上個月正式完結，當選的陳曉華（Hera）、鄧卓殷（Amber）、丁子田（Sara）3位香港小姐固然有一條娛樂圈的康莊大道喺未來等住佢哋，但系后冠得3個，再加友誼小姐嘅話其實只有4個名額，其余16位落選港姐未來發展會系點？一系各自回歸自己本身嘅生活繼續各升學，二系透過面試加無線電視藝員班，畢業之后加入TVB。
其實透過電視藝員班再加入TVB都唔錯，例如舊年畀網民封為“民選港姐”嘅伍樂怡（Kelly Ng）與及胡美貽（Nicole），伍樂怡拍《3日2夜》之后頗受歡迎，而胡美貽喺《兄弟大茶飯》中擔任女助手發展亦唔錯。而落選港姐中，麥美恩（Mayanne）可算系其中嘅佼佼者，喺《學是學非》成功突圍，近年喺多個大型綜藝節目都有佢出現，所以港姐“落選”，換個角度可以隨時有可能比“當選”，更加好！
話時話，其實“香港小姐2018”中，都不乏“可造之才”。其中呼聲最高嘅當然系5強嘅何泳芍（HONEY Ho）同陳苑澄（Tania）。不過佢哋同其他落選港姐會唔會加入TVB藝員訓練班呢？其實由莊嘉慧（Kathy）日前上載到Instagram中的合照可知一二。據知“香港小姐2018”競選翌日（周一，27/8），部份有興趣投身TVB的落選港姐就畀邀請到電視城面試，而其中一個衣著要求就一定要著白色衫，而嗰晚大部分佳麗就相約一齊食飯。由此可知，合照中身穿白色衫的就系有參加面試的佳麗，反之，著其他顏色的就系冇去見工。
當然，面試結果與及加入TVB與否的最終決定權，依舊喺佳麗們同TVB高層身上，可唔可以過五關斬六將，再出現喺電視螢幕上，唯有留藝員訓練班正式開班先知。
以下系幾位參加面試的佳麗：
4號 鄧美欣（Venus）
雖然賽前關於佢新聞唔多，但系Venus有甜美嘅笑容，加埋好似陳法拉的影子。愛跑步、籃球以及旅行嘅佢，話唔定適合參加綜藝節目演出。
10號 李芷晴（Stephanie）
Stephanie喺佳麗當中算系身高較高嘅幾位，如果加入TVB嘅話，話最啱拍劇，與TVB“高人一等”嘅男藝人配搭起身應該好登對。
12號 童銘欣（Christy）
Christy喺之前媒體嘅訪問中都提及自己熱愛酒店，同時佢亦屬高學歷，可能較合適于品味生活等節目中出現。
14號 何泳芍（HONEY）
HONEY擁有一身古銅色健康肌膚，唔使講，一定系旅游節目，更何況HONEY本身嘅綜藝感極強又傾得，擺喺《3日2夜》呢啲需要“單飛”主持的節目，相信一定會送畀觀眾新鮮感。
15號 陳苑澄（Tania）
本身就已經唱歌跳舞底子Tania，其實擺喺任何節目工作都好適合。要特別一提嘅系Tania口才唔錯，轉數都好快，《東張西望》呢類要口才同應變能力的節目就最啱佢。
本文轉載於香港01
本站負責轉載以及潤色本文
如有侵權，請聯繫刪除
Like MisshkNews Facebook！不出门也能知天下事～
