【2018港姐】余詠珊唔認與曾志偉不和 港姐司儀陣容有新鮮感

《2018香港小姐競選》20位候選佳麗今日（21號）再次以泳裝亮相，雖然泳衣款式較上次保守，但《2018香港小姐競選》統籌經理余詠珊就大贊呢屆佳麗質素好好，佢稱：我覺得OK，今年好平均，我以往凈系做到12位女仔入圍，今年我夠膽做到二十位，因為我覺得好多都得，頭12名你都好難揀。

至於今年總決賽大會司儀繼續會由《Do姐去Shopping》嘅鄭裕玲、陸永和C君之外，加入《兄弟大茶飯》嘅蕭正楠、曹永廉再拍檔拍《后生仔傾嚇偈》嘅陸浩明、麥明詩、馮盈盈聯同麥美恩擔任，對于司儀組合，余詠珊就稱希望送畀觀眾新鮮感：因為呢次做2個半鐘，我曾經想做三個鐘，想個節目有好多有趣嘅元素，想喺以往環節再加得意嘅元素，好似阿蕭同曹永廉佢問嘅問題會完全唔同，好似佢嘅個人嘅問題，農夫又啦。另外，而且用翻兩個前香港小姐問翻香港小姐問題。

封殺令？余詠珊唔認與曾志偉鬧不和

至於今年再次未有搵嚟曾志偉做港姐司儀，余詠珊稱唔怕節目因此失色：我覺得志偉會明白，其實佢對我來講系個寶，TVB個寶。問題系我想多D細路哥參與香港小姐嘅司儀，想試下后生嘅司儀做多啲呢種舞臺，可以有多啲經驗，如果唔系會好難訓練，好少大型節目。〈你同志偉哥有無溝通過呀？〉有呀，完咗呢個節目我哋會再約佢坐一次。〈有無不和？〉無。

選美賽制由觀眾100%決定賽果

對于今次選美賽制，余詠珊就稱決賽嗰晚第一個回合會公布20位佳麗喺觀眾投票嘅排名同進行才藝表演，由首席星級評判陳百祥聯同三十位藝員組成星級評判團同觀眾各霸50%投票淘汰8位佳麗，宣布12名佳麗之后就會進入決賽。再由現場星級評判團選出最后三強佳麗，最后由觀眾100%決定賽果。對于以往互聯網頻頻出現問題，余詠珊稱今年嘅系統相當完善，而且重留低網民所揀嘅名次：1至20名嘅佳麗，網民已經一早選擇好佢哋心目中嘅冠、亞、季軍，如果結果與評判揀嘅三強有所出入，我哋會先參考網民嘅投票。如果系統真系出現問題，我哋會繼續以開頭觀眾投票嘅排名當網民分數，如果系統順利，會再加最后7分鐘嘅分數。