2018年尾，現年38歲嘅黃心美離開ViuTV放棄「一姐」寶座，金牌司儀實力嘅佢工作量無憂，何況當時男朋友係大生銀行家族後人馬桂烽，唔睇僧面都睇佛面，工作邀約肯定唔會少。
點知道自己成為搶手貨之際，舊年4月畀爆出「安樂偷食」單嘢，黃心美事業同感情即畀細妹黃心穎佗衰陪葬，雖然「安樂偷食」單嘢丟淡咗，但又緊接新冠肺炎疫情影響，以司儀工作為主嘅黃心美可謂係雪上加霜！
舊愛馬桂烽都畀拖衰，傳聞佢係「蘭桂坊群組」發現嘅病患者，曾經喺3月份確診。
無論點樣，黃心美受到重重打擊，曾經傳聞佢係ViuTV收入最高藝人嘅佢，而家出門行街得個睇，行完一圈睇完當買咗，然後迫港鐵離開，實行慳住使錢！
「安樂偷食」之後，啊妹黃心穎離開香港避風頭，家姐黃心美自然成為畀攻擊對象，喺社交平臺賣廣告，都可以畀網民洗版式爆鬧，令到商戶對佢避之則吉。
睇到黃心美受到接二連三嘅打擊，面對逆境佢稱得上免疫，對佢嚟講：「冇嘢做咪慳啲使，我夠使夠用，自己又唔大貪。」
Like MisshkNews Facebook！不出门也能知天下事～
