「TVB軟飯王」B女順利出世，升呢做老竇

「TVB軟飯王」呂方今年5月同圈外女友伍惠寶拉埋天窗，當時伍惠寶仲被爆出大肚佗緊5個幾月B，據悉呂方太太喺尋日順利生B女，呂方升呢做老竇。

據網民爆料，今日朝早喺入醫院陪自己太太生仔嘅時候，喺產房外面撞到啱啱升呢做老竇嘅呂方，呢位網民仲話：「佢寶寶應該啱啱出世，因為我聽到佢哋講女大十八變。」

講到呂方，其實佢同曾經「TVB一姐」鄭裕玲（DoDo姐）拍拖16年，最後分手收科。分手之後呂方身邊一直不缺女伴，大家都以為佢係冇腳嘅雀仔唔會停落嚟嘅時候。

直到2013年年尾，呂方畀影到同細佢16歲嘅富婆伍惠寶拍拖開餐，嚟到今年佢哋已經結束愛情長跑拉埋天窗，而伍惠寶仲大埋肚佗緊5個幾月B，父女戀修成正果真係恭喜曬！

事後，舊愛鄭裕玲喺電臺做節目嘅時候，喺節目中特登點咗一首《彎彎的月光》送畀呂方，祝佢做老竇，結婚并將要喺紅館開演唱會，三喜臨門，Do姐仲祝佢一家大細永遠幸福。

而Do姐啲嘅呢首《彎彎的月光》都好有心思，呢首歌係呂方喺1992年唱過一首膾炙人口嘅歌，而就喺1992年，佢哋正式拍拖。

雖然呂方當年曾經表示不婚不育，但Do姐對佢成家立室並唔覺得出奇，兩個人喺2008年分手之後，12年過去，佢哋始終都冇再聯繫。

可能好多人對于呂方嘅認識，只係停留喺鄭裕玲嘅男友呢個定位上，其實呂方曾經同歌神張學友喺紅磡體育館舉行一連數場嘅《86雙星演唱會》，之後更加係以一首《朋友別哭》紅遍兩岸三地。

講到鄭裕玲，其實佢係第25屆臺灣金馬獎同第10屆香港金像獎嘅影後，鄭裕玲最初曾經得到黃霑提點，加盟TVB之後，同周潤發合作《網中人》一炮而紅。

之後鄭裕玲參演咗《飛鷹計劃》、《豪門夜宴》、《表姐你好嘢》、《八星報喜》、《月亮星星太陽》等幾廿部佳作，成為咗「TVB一姐」！

鄭裕玲、呂方身高相差，年齡相差、經濟收益相差、地位相差，喺種種非議面前，辛辛苦苦攜手走過十幾年，直到大家開始唔再非議，開始期待呢段感情開花結果嘅時候，佢哋卻宣佈分手。

至於分手原因，有人話係因為控制欲強嘅鄭裕玲經常畀呂方布置工作，幫佢投資理財，仲成日嚴厲催促呂方要喼弗，讓呂方時刻感覺坐監。都有人話係鄭裕玲睇唔上呂方「食軟飯」，一事無成。

宜家，呂方同同細佢16歲嘅富婆伍惠寶終于修成正果，據悉女方好有生意頭腦，同前男友斥資過百萬創立公司，引入買餸包送貨上門嘅服務，而家已經坐擁半億身家，更有住“網絡市場天后”嘅稱號。

唔理點樣，宜家都係祝福鄭裕玲同埋呂方，各自幸福快樂，真係替你哋開心，祝福你哋永遠幸福快樂喔。