普通家庭女仔飛上枝頭變鳳凰，嫁入豪門係娛樂新聞好常見嘅，不過都有唔少豪門女婿，比如前香港先生袁偉豪搭上前港姐張寶兒，張爸爸坐擁百億身家。
不過豪門女婿避免唔到會畀狗仔隊講成係軟飯王，而林文龍正係一個好例子，皆因佢同郭可盈結婚之後，熱衷做家庭煮夫，少不免畀人講閑話。
入行有三十幾年嘅林文龍，佢喺TVB曾經係一線小生，呢排佢復出拍攝TVB劇集《那些我愛過的人》擔正做男主角，前幾年佢又同宣萱合作《不懂撒嬌的女人》。
原來，現年52歲嘅林文龍已經唔滿足做一個演員，舊年佢更升呢做亞視總裁一職，新官上任三把火，佢首先安排亞視總臺進行大裝修，不過年頭遇上新冠肺炎疫情，好多計劃都焗延後。
據悉，林文龍諗住開拍兩部劇集同制作綜藝節目，頭炮預計9月開拍時裝愛情劇，更邀請到重量級監製戚其義，藝人鄧萃雯、林保怡以及鄧麗欣開荒，強大陣容聯手炮制神劇撼TVB。
呢次，戚其義之所以愿意出山全因為郭可盈，郭可盈同戚其義好老友，當年百集神劇《創世紀》、《創世紀之天地有情》，郭可盈擔正做女主角，令郭可盈事業推上高峰。
唔理點樣，都係希望林文龍喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
