2017年出街嘅TVB劇集《降魔的》大獲好評，憑住奇情故仔突圍而出，成為當年嘅話題之作，喺網絡上引發咗唔少討論，而劇集中嘅男主角「TVB視帝」馬國明隨著劇集嘅熱播而人氣急升。
馬國明同胡鴻鈞兩個人更加獲得「最受歡迎電視拍檔」殊榮，馬國明當年也成為咗視帝嘅熱門人選，最后遺憾陪跑。
劇集反應唔錯，TVB自然唔會放過機會，決定開拍《降魔的2.0》，《降魔的2.0》沿用咗原班人馬，仲加入咗C君、譚凱琪等新角色。
喺拍攝《降魔的2.0》嘅過程中，胡鴻鈞發生意外不慎由高處墮下受咗傷，而且傷勢唔輕，所以進度畀延誤。
據悉，劇集已經喺舊年就完成咗拍攝，監制方駿釗親自向傳媒證實，《降魔的2.0》將接檔《機場特警》，會喺5月4日八點半黃金時段出街，大家千祈唔好錯過。
監制方駿釗仲透露，《降魔的2.0》將繼續上一部嘅古仔「豪仔上次死咗，呢次胡鴻鈞將會以鬼魂方式返到豪仔身上，不懷好意接近小馬，更加會以唔同形態喺小馬面前出現！」唔知呢一次，“「最受歡迎電視拍檔」又會擦出乜火花呢？
對于馬國明嚟講，《降魔的2.0》應該有住不一樣嘅意義，馬國明曾經提名「最佳男主角」十二次，先至喺舊年憑借《白色強人》奪得視帝。
唔知道今年馬國明會唔會憑借《降魔的2.0》再次蟬聯視帝呢？
Like MisshkNews Facebook！不出门也能知天下事～
