「TVB視帝」馬國明較早前畀傳媒踢爆，深入湯洛雯紅磡香閨，拍拖斷正，事後佢哋大方喺社交平台認愛，獲全城網民熱烈恭賀，一度成為城中熱話。
馬國明同湯洛雯認愛唔夠兩星期，仲處于熱戀階段，似足初戀小情人一樣，把握時間見面做「糖黐豆」！
呢排忙住趕拍劇集《BB大晒》嘅馬國明，雖然劇集已經接近煞科階段，但佢喺7月頭就要接住拍攝劇集《兒童醫院》，所以佢好唔得閒，佢寧愿犧牲休息時間，喺開工前夕爭取時間同湯洛雯拍拖，見得一分鐘到一分鐘！
呢日記者見到馬國明揸車送湯洛雯翻寓所，跟上問到係咪去拍拖？馬國明笑笑口表示：「啱啱出去買咗啲嘢，準備返TVB開工」，隨即二人友善噉向記者講再見，坐獵返湯洛雯香閨。
「蜜會」咗3粒鐘左右，馬國明依依不舍噉離開，就出發返TVB開工。記者上前問到點解開工前僅余幾鐘仲要見面？馬國明甜蜜笑笑口講：「多謝關心！」
Like MisshkNews Facebook！不出门也能知天下事～
