「TVB視后」李佳芯好少賣弄性感，但經常喺劇中為觀眾帶嚟驚喜，由《波士早晨》嘅錫士水著、《踩過界》貼身辣舞、到《BB來了》以粉紅蕾絲吊帶誘惑黎諾懿，視覺沖擊愈嚟愈高層次。
由李佳芯同陳豪主演嘅《愛美麗狂想曲》，日前已經喺myTV SUPER出街。劇中李佳芯喺機緣巧合下成為陳豪嘅秘書，除咗工作上嘅安排之外，就連家頭細務都要參與。
日前劇情講到李佳芯趁陳豪出差做嘢嘅時候，偷入對方屋企沖涼、最后連大床都享用埋。
或者係因為習慣成自然，呢日李佳芯飲醉酒之后，又再出現喺陳豪屋企，不過呢次佢就唔係沖涼咁簡單，而係一絲不掛咁喺雪柜搵嘢食！
本身喺睡房嘅陳豪沿住「怪聲」行到廚房，見到半裸背面，仲以為係女友劉溫馨，點知行近一睇，竟然係李佳芯！
短短兩分鐘嘅劇情，為觀眾帶嚟唔同層次嘅視覺效果，視后果然係視后。最正嘅係第二日，當到李佳芯醒咗之后，第一句就係問：「我個bra呢？」
講到李佳芯，其實一直有傳因為佢喺社交平臺嘅言論而畀TVB雪藏，儘管事後佢都有澄清，但都無濟于事，導致佢所有嘅劇集同埋廣告都畀抽起。
雖然呢排李佳芯憑借熱播劇《殺手》嘅出街，TVB已經將佢解凍，并有意捧佢參與《兒童醫院》嘅拍攝，讓佢與馬國明再續前緣。
可惜嘅係，由於《兒童醫院》要同大陸視頻網站合作，鑒于李佳芯嘅網評口碑好差，所以TVB高層最終決定抽起唔用佢。
不過頂住「TVB視後」嘅李佳芯仲未衰得曬，儘管無緣合拍重頭劇，但作為TVB高層嘅愛將，佢仲係有希望參演另外一部經典本土劇作。
加埋李佳芯自資出版嘅個人寫真集大賣，經濟上暫時未受影響。事業一波三折嘅李佳芯，好彩仲有男友陳炳銓嘅支持同鼓勵，拍拖6年嘅兩人可謂患難見真情。
然而呢一對卻一直都唔畀外界睇好，網上除咗取笑陳炳銓事業上比唔過李佳芯、要靠李佳芯接濟過活之外，仲嘲笑陳炳銓與李佳芯係「野獸與美女」！
唔理點樣，希望佢地兩個可以傳出好消息，祝福祝福。
Like MisshkNews Facebook！不出门也能知天下事～
