「TVB花旦」陳自瑤（YoYo）有份演出嘅TVB新劇《那些我愛過的人》日前首播，佢第一集中就以紅色泳裝出場，雖然係一件頭，但依然一樣吸睛！
現年38歲嘅陳自瑤雖然已經育有一個8歲囡囡，但佢多年嚟都可以保持好身形，更加獲邀擔任豐胸纖體專門店嘅代言人。
尋日（13日）陳自瑤喺社交平臺曬出最新廣告相，并寫道：「Hello yoyo，大家經過紅磡隧道有冇睇到我呀？」，即使掀起網民熱議！
陳自瑤嘅最新廣告相掛喺隧道口，相中佢以白色Deep V Look示人，大展豐滿上圍，完美身段令人羨慕，唔少圈中好友都有留言大贊，當中黃翠如就話：我以後經過紅磡隧道都會心加速。
而李施嬅、陳敏之、胡定欣就分別表示要小心揸車：「駕駛人士過隧道好難專注揸車」、「我好擔心掛住望會造成交通意外」、「我每次經過紅隧呢個路口都要小心」，袁偉豪更笑言：「我轉行紅隧先」，認真搞笑！
說到陳自瑤，其實佢喺23歲加入到TVB，一出道就喺《赤沙印記＠四葉草.2》擔正咗女主角。
後來，陳自瑤都出演咗唔少嘅作品，譬如《法證先鋒》、《宮心計》、《真相》、《我的如意狼君》、《宦海奇官》、《幕後玩家》、《天命》、《再創世紀》等。
唔理點樣，梗係希望陳自瑤可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
