「TVB花旦」龔嘉欣（Katy）自從2012年同鄧健泓分手之後，近年全心投入工作，劇集一部接一部，今年更行出舒適圈，喺馬來西亞投資開設火鍋店。
不過呢日傳出龔嘉欣之所以唔喺香港開店，反而遠赴大馬創業全因為佢同馬來西亞富二代Byran熱戀中，對方更落重本畀佢做老板娘。
其實龔嘉欣年頭曾經自爆有圈外追求者，情人節時仲喺社交平臺高調曬出一張甜笑攬住兩大扎花嘅相。
今年8月，亦傳出龔嘉欣忽然變得有錢，拍劇時有助手照顧，而且出入都係開百萬跑車，車牌“KB”，大家本來以為係Katy BB縮寫，呢日有報道指其實係Katy同Bryan愛的密碼。
有指Bryan對龔嘉欣一見傾心，對女友無微不至，出心出力出金幫龔嘉欣打開大馬市場，不時邀請佢去當地出席活動，知道龔嘉欣有心創業更落重本畀喺佢當地開火鍋店。
龔嘉欣有意將戀情低調發展，喺社交平臺公開嘅一般都係一大班人嘅合照，冇太親密舉動。
對于有報道指佢同大馬富二代拍拖，龔嘉欣今日回應傳媒時否認拍拖，揚言兩個人只係「普通朋友，多謝大家關心。」
Like MisshkNews Facebook！不出门也能知天下事～
