日前，「TVB花旦」滕麗名喺日本發生意外跌斷肋骨，因為需要時間愈合，導致喺《陀槍師姐2020》飾演差婆陳三元嘅佢，唯有刪減動作戲份改以文戲為主。
見到滕麗名着5吋高踭鞋上陣，佢笑稱：「我喺劇中其實冇乜動作戲，我都想打！（怕畀老公投訴？）老公又唔會問我工作嘅嘢，而且我已經好番好多，只係某啲動作要小心，大家都好關心我！」
除此之外，滕麗名防疫裝備做到足，佢戴上防疫保護帽兼有面罩遮擋飛沫，佢坦言要保護好自己亦係公民責任。
至於有老婆仔女嘅陳豪認為，自己更加要小心防疫，佢話：「劇組都停工4、5日，埋位前都唔摘口罩，我一家大細，比大家更加要小心！老婆就辛苦啲，幫仔女做網上功課，但係我哋做父母都Enjoy嘅！」
Like MisshkNews Facebook！不出门也能知天下事～
