TVB花旦成功大肚，老公實行分房瞓「無菌養胎」

呢排娛樂圈頻頻傳嚟好消息，「TVB花旦」楊怡喺2016年嗰陣同羅仲謙結婚，楊怡一直恨做媽咪，為咗趕生B更停工兩年養身，終于喺40歲前迎來好消息。

日前，楊怡、羅仲謙兩公婆高調喺社交平臺開心報喜，更以「小明燈」形容腹中BB，又表示第一次聽BB心聲感覺有啲似火車經過。

自從結婚之後，羅仲謙一直畀封為愛妻號，呢次楊怡成功大肚，更被當成女王寵愛，唔使拍劇嘅日子，羅仲謙緊張到貼身照顧，出入陪伴，老婆做家中女王。

喺二月中旬，羅仲謙再度投入拍攝新劇《陀槍師姐2020》，啱啱也係新型肺炎疫情爆發期，為咗賺奶粉錢，佢照樣勇敢開工，更加嚴陣以待。

據悉楊怡為咗安全至上，全面睇實老公做足防疫保護，保護措施多不勝數，除咗要老公拍完劇返屋企要及時除鞋之外，又要求第一時間沖涼，仲禁止親友到訪，就連家姐楊卓娜都唔例外，以防萬一。

楊怡亦吩咐工人姐姐喺屋企做消毒同清潔，要屋企變成無菌空間，呢排楊怡更同老公分房瞓，高度戒備全面保護腹中心肝椗。

楊怡屬於高齡產婦，而家更變緊張媽咪，為確保胎兒安全，楊怡同老公更加多次去拜龍母娘娘，要依足規矩買祭品，亦有裝巨香同摸龍床。

為咗迎接呢個BB來臨，楊怡已經放棄咗事業，2016年4月份約滿TVB之後就選擇性工作，安心做少奶奶，2017年以外援身份拍攝《再創世紀》，之後到而家未有新作品。

唔理點樣，宜家見到楊怡同羅仲謙咁幸福，真係替佢哋開心，祝福你哋永遠幸福快樂喔。