日前，「TVB花旦」姚子羚為《流行經典50年》錄影，喺節目中佢選唱張惠妹嘅金曲《解脫》，佢認為唱國語冧歌容易投入有感覺，而且難度都算中度，強調無憑歌寄意。
提到有報道指佢同舊愛Raymond復合，姚子羚話：「因為大家出席朋友聚會係會見面，復合？將來嘅事將來先算啦，而家先做有自己嘅事。我哋冇因為之前嘅事有芥蒂，因為大家都係成年人，我同佢可以做返朋友。」
姚子羚入行18年鮮有緋聞，呢幾年佢獲得TVB力捧成為新花旦，今年仲擔正做《黃金有罪》、《大步走》劇集女主角，事業上尚算成功。
但係感情一事仲一直空缺，姚子羚曾經同闊少鄭子邦拍拖三年，兩個人經常喺社交平台曬恩愛且已同居，當大家以為佢哋可以好事近可以結婚嘅時候，兩個人突然喺2018年3月宣佈分手。
不過佢哋分手之后仲係朋友，姚子羚當時發文指：「仲會彼此關心、支持、愛護對方，一段關係嘅結束唔代表就係結束，愛其實可以有更多唔同嘅方式，我相信無論大家係乜嘢關係，仲會守護祝福對方。」
2019年5月姚子羚畀傳媒爆料，指佢秘戀好姊妹Sarika（蔡宛珊）老公Raymond Young，指兩人已經秘密拍拖一段時間，當中更加涉及四角關係。
不過之后姚子羚澄清否認佢做小三搶好姊妹老公，更表示驚訝自己被拍床照，又自爆已經同Raymond散咗！
雖然姚子羚情路坎坷，但相信充滿正能量嘅佢，一定可以揾到一個真正欣賞佢嘅男生！
Like MisshkNews Facebook！不出门也能知天下事～
