「TVB花旦」以師姐身份，擔任今屆港姐導師

「TVB花旦」朱晨麗同何依婷以師姐身份，負責為今屆28位港姐佳麗擔任導師，分享過往選心得。原來唔經唔覺，朱晨麗參選港姐已經係十年前嘅事。

朱晨麗話：「最記得我當年選港姐嗰陣，我廣東話講得唔好所以好少講嘢，畀人以為好Cool。雖然呢屆都有啲佳麗廣東話麻麻地，不過我會傳授技巧畀佢哋。」

何依婷就表示未來10日會入營，同一班佳麗并肩作戰。佢又話自己參選嗰陣，最難忘臺灣外景，感覺好似成班女仔一齊去旅行，夜晚又一齊傾計。

朱晨麗接住话：「我哋嗰年都係去臺灣，但好辛苦行程密到好似軍訓。有佳麗辛苦到喊，係一次好好嘅體驗。」

另外，傾到曾經傳出同朱晨麗不和嘅洪永城前日公布雙喜臨門，朱晨麗大方回應話：「一知道喜訊，我已經第一時間恭喜佢，當初佢哋拍拖，我已經覺得佢哋好sweet。」

據大會統籌經理何小慧表示，呢次入營至少人淘汰6到7位佳麗，相關節目會喺8月9日推出街先揭曉淘汰賽果，至於人淘汰評分，就根據佳麗們嘅態度、學習等整體表現。

陳圣瑜同梁凱晴畀視為熱門佳麗，原來佢哋參選到而家已經成為好姊妹，今日記者會上直言唔會視對方為競爭對手，反而互相扶持。

傾到今日正式入營，陳圣瑜同梁凱晴表示會做足防曬同準備充足衣物。問到如果被安排素顏出鏡會點樣，佢哋話：「如果係都冇辦法，不過我哋對自己嘅素顏有信心。」

至於呢次入營有人淘汰賽，陳圣瑜同梁凱晴坦言心情緊張，唯有盡量做好自己。