TVB力捧小生黃嘉樂，最近憑《白色強人》人氣急升，喺劇中飾演腦神經醫生嘅佢，與三屆視帝郭晉安有唔少對手戲，演技大爆發嘅黃嘉樂，因此備受觀眾嘅關注同贊賞。
不嬲畀稱為TVB御用細佬嘅黃嘉樂，入行多年經常被安排飾演細佬之類嘅角色，但近年佢角色人設都開始獨當一面，顯得更加成熟立體，加埋黃嘉樂嘅演技本身都好深入民心，唔怪得佢人氣一直持續上升。
演藝事業發展得越嚟越好嘅黃嘉樂，愛情亦大豐收，據悉佢同攝影師女友Samantha已經拍拖兩年幾，兩個人嘅一直感情都好穩定。
黃嘉樂唔單止經常喺社交平臺放閃，仲成日帶女友出席好友聚會，可見佢已經視對方為真命天女，較早前佢亦大方認，而家計劃同女友求婚，相信兩個人好事近，好快有好消息傳出。
呢排，黃嘉樂嘅女友Samantha卻突然間現身社交平臺，竟然自爆帶咗大量避孕套外出旅遊，瞬間惹來大批網民嘅熱議同關注。
作為一個專業攝影師，Samantha經常都要飛往世界各地，為新人拍攝唯美婚紗相，日前佢飛去法國巴黎開工嗰陣遇上大雨，身為攝影師嘅佢第一時間，本能反應系要保護好昂貴嘅拍攝器材。
但由于時間有限，大隊嘅拍攝進度并冇因為大雨原因而閘住，要喺雨中堅持拍攝，Samantha唯有使出絕招，見佢即場拎出避孕套保護相機鏡頭同閃光燈，防止器材入水浸壞！
佢仲留言寫道：「落狗屎又要出動絕招，唔好再問點解我嘅相機箱里面，點解會有避孕套！」用避孕套套住攝影器材防水，認真夠絕，唔怪得令一眾網民嘩然之余，同時亦都覺得嘆為觀止。
為拍攝婚紗相咁盡心盡力，確實敬業，但愿Samantha與黃嘉樂都可以早日傳嚟好消息！
Like MisshkNews Facebook！不出门也能知天下事～
