「TVB御用癲婆」做咗十年茄哩啡，首次提名最佳女配角

TVB嘅《萬千星輝頒獎典禮2019》準備喺2020年1月12日舉行，除咗最受大眾關注嘅視帝同視後，最佳女配角嘅討論度都好高。

今年女配角競爭都算激烈，有唔少都係首度獲提名嘅女藝人，當中出現咗一個亮眼嘅名——趙希洛（Candice）。

入行10年嘅趙希洛演過好多角色，最成功嘅一定係喺《金宵大廈》單位《嬰》，飾演憶子成狂嘅何太。

趙希洛曾經先後喺《八卦神探》、《實習天使》、《十二傳說》中演繹瘋癲角色，更畀封為「TVB御用癲婆」。

講到趙希洛，其實佢喺2007年曾經參選香港小姐競選，2008年入讀第22期TVB電視藝員訓練班，2018年正式簽約成為TVB電視經理人合約藝員。

趙希洛媽咪係藝員梁小玲，入行嗰陣佢并冇向外界透露，至於老竇就係澳洲大狀，亦係上市公司董事。

趙希洛家境富裕，自細就接觸音樂劇，但係父母一直反對佢加入娛樂圈。

中學嗰陣趙希洛同妹妹喺英國就讀女校，到大學時修讀法律與商業系畢業。身為富二代嘅佢出入有司機接送，據聞佢手持市值八千萬嘅梅道豪宅。

不過，趙希洛生活好貼地，呢排圣誕節佢就去咗買平民版圣誕卡，都有網友喺地鐵站見到佢，好似普通人從來冇炫富過。

最後，都係希望趙希洛喺之後嘅事業上可以有所成就，期待佢嘅表演！