「TVB小花」高調宣佈有喜，舊年11月低調結婚

據悉，現年21歲嘅「TVB小花」楊嘉欣（Cherry），呢幾年喺TVB處境劇《愛回家之開心速遞》飾演女裝部Sales，而畀網友封為「隱藏美少女」。

楊嘉欣喺2019年11月低調同男友Dickson結婚，唔夠兩個月，佢就喺社交平臺高調宣佈有喜。

楊嘉欣更笑言：「由細到大乜都快人一步，新一年多咗一個身份，我要做媽咪啦。」

現年21歲嘅楊嘉欣雖然好後生，原來佢喺16歲嗰陣就已經入行。早年佢接受訪問時表示，就讀國際學校嘅佢喺完成中五之後，就進入咗無線電視藝員訓練班追夢。

楊嘉欣入行4年嚟，演出機會都有唔少，例如《雜警奇兵》、《特技人》、《溏心風暴3》、《誇世代》。

楊嘉欣仲喺《愛回家之開心速遞》中曾飾演校董女兒（第81－82集）憑借其一對修長美腿成功入屋，人氣急升。

楊嘉欣雖然得21歲，只要再加精進演技，相信佢好有機會成為下一代TVB女神之一。