「TVB小花」高調宣佈嫁富貴男友，發文稱一眨眼就八年

「TVB小花」譚凱琪（Zoie）尋日喺社交平台曬出唯美婚紗相，并發文正式宣佈同拍拖八年嘅富贵男朋友結婚，兩個人正式入紙申請注冊結婚！

譚凱琪留言話：「風雨同路，風雨不改，牽著你手，直到永遠，一瞬間已八年了，我們即將往人生另外一個階段進發，期待與您萬年的約定?。」

譚凱琪接受訪問嘅時候，坦言男朋友喺外地求婚，過程都好感動，佢話：「佢都有做足曬，雖然平時佢個人悶悶地，但呢啲都會做足。」問到兩個人突然結婚係唔係有喜嘅時候，佢住笑話：「冇呀！只不過覺得而家係時候。」

譚凱琪講到擺酒，佢表示一切都未決定，因為宜家時勢都唔定，所以過一陣先算。

講到畀指嫁入豪門，譚凱琪話：「其實我哋都係踏實嘅人，都好低調，可能之前有傳媒寫過一次，所以大家都噉寫。」問到之後係咪做少奶奶嘅時候，佢話：「我會繼續做落去！而家仲咁後生！」

至於好姊妹龔嘉欣坦言替譚凱琪開心，講到「少婦聯盟」剩番佢呢個筍盤未嫁出嘅時候，佢話：「等嚇先啦，我而家幫陳凱琳做保母先，她好鍾意熱鬧，我又樂意幫佢湊仔，佢個仔都同我好合拍。」

大家可能對譚凱琪嘅有錢未婚夫莊日宇可能唔係好熟，據悉男方係餐廳集團老板，曾經將旗下一間美式餐廳eightgrand bar＆restaurant交由譚凱琪管理。

據悉，莊日宇幾年前更以一千五百萬買入九龍塘帝景峰畀譚凱琪，宜家見到譚凱琪同富貴未婚夫莊日宇咁幸福，真係替佢哋開心，祝福你哋永遠幸福快樂喔。