「TVB小花」鄺潔楹可能會閃婚，但坦言未玩夠

現年29歲嘅「TVB小花」鄺潔楹雖然身高得155公分，但佢擁有甜美嘅天使面孔，加埋火辣身材，憑借節目《3日2夜》成功吸引大批宅男粉絲，更被網民封為「哈比女神」。

不過女神原來已經封盤，皆因鄺潔楹通過朋友認識咗經營酒吧餐廳、年約30歲嘅富二代Ricky Yung，佢同新歡打得火熱，拍拖半年已經發展到半同居關係。

而且當到記者提起男友嗰陣，鄺潔楹就有點避談話：「費事講太多，對方唔係圈內人，而且我驚會帶畀佢同佢屋企人壓力。」

另外鄺潔楹坦言佢哋感情OK，但短期內未有計劃結婚，因為我唔鍾意綁住自己，仲未玩夠，但唔排除會有一日閃婚。

鄺潔楹笑住繼續話：「其實我屋企人就比較緊張啲，因為養咗個女咁耐，成30歲仲唔嗲唔吊，佢哋都知我仲想拼搏嘅嘢有好多，好似由主持轉咗做演員，最近又拍拍吓戲去咗整曲奇。」

唔理點樣，憑借鄺潔楹嘅實力，相信只要佢努力做嘢，提升演技，應該喺TVB會有好好嘅發展，加油加油。