「TVB小花」湯怡呢幾年熱愛做運動，又跑步又行山，較早前佢就喺社交平臺出圖出片，著上性感運動Bra行鳳凰山，更加喺社交平臺限時動態同網民玩問答。
當中網民問到有無遇到發哥，湯怡就答：「四點起身晨跑遇過發哥」
講到湯怡，其實佢未入行之前係做模特兒，2006年參加《美女廚房》嘅美少女廚神選舉入行之後，2007年喺《寫意人生》飾演少女版黎姿，之後佢就轉向電影界發展。
不過入行初期，湯怡坦言自己性格慢熱，喺鏡頭前就會好唔自然，冇信心，即使公司曾經安排學唱歌跳舞，但都未有成功，所以佢自覺并唔係呢方面嘅材料。
湯怡更坦言都有過諗放棄嘅時候，想過搵一份穩定工作嘅念頭，不過佢未有放棄并變得努力，更向老師甄詠蓓學戲，終於喺2018年喺電影《某日某月》擔正做女主角。
感情方面，湯怡最令人有印象嘅應該係同洪卓立維持咗11年嘅戀情，二人昔日經常喺網上高調放閃，更屢傳婚訊，可惜2018年宣佈分手。
唔理點樣，都係希望湯怡喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
