「TVB小花」譚凱琪喺《降魔的2.0》飾演Thalassa，網民推測佢係海魔，佢係終極大魔王。第二輯先加入嘅譚凱琪，佢一出現就非常搶眼，佢同馬國明飾嘅劇情更加係引人入勝。
除咗《降魔的2.0》，譚凱琪喺熱播劇集《飛虎之雷霆極戰》都有戲份，其實譚凱琪自從2000年開始就出道，演藝之路一啲都唔平坦，直到呢幾年先可以備受TVB力捧。
譚凱琪曾經遠赴日本留學，之後喺2000年簽約小室哲哉公司，并去到東京受訓4個月，之後推出首張CD《全力愛》，但後尾曝光率越嚟越少，最終返香港發展。
出道初期，譚凱琪曾經同宜家楊千嬅嘅老公丁子高拍過拖，後來喺2002年分手。
浮沉幾年，譚凱琪先開始恢復幕前演出，2007年到2013年係香港有線電視經理人合約藝員，大多數主持旅游節目，不過一直冇代表作，觀眾對佢認識唔深。
直到2013年轉投TVB，可謂佢事業上嘅轉折點，洪永城、黃翠如、陳貝兒同李佳芯等人都係前有線電視藝人，加入TVB之後都發展得唔錯，譚凱琪就畀外界視為TVB發力最遲嘅有線幫。
2016年，譚凱琪喺《EU超時任務》飾演李姿婷（水晶梨）一角成功彈起人氣急升，佢嘅演員路喺34歲嗰陣先開始，無疑係最遲。
之後譚凱琪憑借喺《踩過界》中大膽演出，出色表現令佢奪得《TVB馬來西亞星光薈萃頒獎典禮 2017》最喜愛TVB飛躍進步女藝員殊榮，可惜佢攞過嘅獎就只有呢一個。
譚凱琪事業順利，愛情同樣得意。今年年頭譚凱琪喺社交平台曬出唯美婚紗相，并發文正式宣佈同拍拖八年嘅富贵男朋友結婚，兩個人正式入紙申請注冊結婚！
講到畀指嫁入豪門，譚凱琪話：「其實我哋都係踏實嘅人，都好低調，可能之前有傳媒寫過一次，所以大家都噉寫。」問到之後係咪做少奶奶嘅時候，佢話：「我會繼續做落去！而家仲咁後生！」
唔理點樣，都係希望譚凱琪喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
