TVB熱播劇集《愛回家之開心速遞》播出超過一千集，除咗熊家、龍家嘅臺柱角色之外，仲有唔少角色都相當入屋，呢排更有網民發起召喚失蹤人口歸位，當中以「群姐」許思敏同「細龍太」陳偉琪呼聲最高。
較早時有指陳偉琪因為畀雪藏半年復出無望，心淡轉行做公關，日前佢喺TVB台慶現身傍實應屆港姐亞軍陳楨怡彈樹琴，似乎解凍有望！
不過，《愛回家》劇組已經安排全新女角色出現，上禮拜出街嘅《愛回家》更已經鋪路畀佢現身，可惜呢位星二代出場之后，網民反應麻麻。
新加入嘅女角色係王晶囡囡王子涵，日前佢喺IG曬出《愛回家》劇本，相當興奮將呢個消息公布，據悉佢會喺月底先會出現。
而日前Terry（李偉健）獲《愛回家》劇組為佢慶祝生日，佢曬出劇組大合照嘅時候，王子涵已經喺入面，見到王子涵就喺壽星仔旁邊。
王子涵空降《愛回家》，佢飾演嘅蔡玉皎一出，娘爆嘅造型、講嘢高八度嘅演繹相當唔討喜，更有網民發起罷睇《愛回家》。
講到王子涵，其實呢幾年佢喺《火線下的江湖大佬》、《荷里活有個大老千》等劇集出演之外，仲喺《唐人街》同《丫鬟大聯盟》出演飾演配角角色，演技都得到唔少觀眾好評。
王子涵除此之外，身材、外貌仲係網友嘅討論重點，佢都經常喺社交平台分享自己嘅Fit爆身材，都得到唔少人好評。
唔理點樣，都係希望王子涵喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
