「TVB小花」畀質疑整容，舊相暴露真實素顏

「TVB小花」鄺潔楹因為拍攝《3日2夜》，大曬誘人身材而人氣急升，雖然身高只有155cm，但有32B豐滿上圍，畀網友封為新一代TVB仙氣女神。

高度無阻女神受歡迎，擁有天使面孔以及惹火身材嘅鄺潔楹，更加獲得唔少監制青睞，較早前更畀安排加入高收視嘅《愛回家之開心速遞》演出，繼續做女神。

鄺潔楹唔單止生得靚女，而且屋企仲好有錢，父母經營家俬生意，27歲佢同屋企人住喺大埔淺月灣獨立屋，個人名下更擁有一個跑馬地豪宅物業，又開有投資公司，名副其實係富家千金。

不過號稱「仙氣女神」嘅鄺潔楹，日前畀網友爆出佢啱啱入行嗰陣嘅相，真係認唔出係佢。

鄺潔楹喺美國西雅圖大學畢業之後，返香港就畀星探發掘做模特兒，當年拍攝嘅大家樂廣告，面好圓而且塌鼻，五官好普通，大家覺得分別大唔大呢？

雖然鄺潔楹陷入整容門，但無懼TVB力捧，佢最近加入《學是學非》綜藝節目，成功上位。