尋日，「TVB小花」陳自瑤（YoYo）喺社交平臺曬出性感泳衣照，見到佢著黑色三點式，外披一件白色裇衫仲擺出迷人造型，獲得唔少網友激贊佢係「最佳影后」。
陳自瑤仲留言表示：「請一定要充滿自信，你就係一道風景，沒必要在別人風景裏仰視！女人，你得為自己漂亮地活着！㊗️三八婦女節快樂！??致所有女人！❤️❤️??」
其實呢幾年，陳自瑤同視帝老公王浩信感情一直傳出亮紅燈，雖然冇確切嘅消息證實，但自從報道出街之后，兩個人無論喺社交平臺或者日常生活上都好少互動，即使喺公開活動上都顯得好尷尬。
舊年陳自瑤38歲生日嗰陣，佢留言話：「有啲嘢你覺得好難，但當你有勇氣跨出一步嘅時候，你會發現其實并冇你想像中咁難，回頭再睇你會好欣賞自己當初嘅嗰份勇氣，然而你會發現，你再都唔係當初嗰個你。」
之后陳自瑤繼續留言話：「但愿我哋都唔畀歲月同生活侵蝕，做最真實嘅自己，我仲係嗰個我。」感性宣言中似乎暗藏心聲。
呢幾年，王浩信獲得TVB力捧成為當家小生，劇接劇工作忙不停。
呢排佢正為《踩過界2》拍攝，喺上個月2月14日情人節，王浩信同陳自瑤未有合體慶祝，事后王浩信接受采訪時，佢被問到會唔會同太太補祝慶祝，王浩信更加係避談陳自瑤，強調只回應工作上嘅嘢。
Like MisshkNews Facebook！不出门也能知天下事～
