TVB重頭劇《大醬園》拍得如火如荼，但呢部劇真係「傷」得人多，TVB花旦朱晨麗甩手骹同中暑，而TVB小花龔嘉欣因為趕戲，唔夠休息導致耳水不平衡入院。
呢排龔嘉欣喺社交平臺留言：「個個都辛苦，唔好同我邊個唔舒服，邊個踩得好甘，叫我幫幫手，我已經幫咗好多次，捱義氣咗幾次，咁我唔舒服，唔夠休息都一樣咁返工，我呢十幾年都係咁捱，怕辛苦就唔好做演員。」此番言論一出，引起網民熱議。
冇幾耐龔嘉欣雖然刪走帖文，有報道指龔嘉欣暗寸朱晨麗，同時又指龔嘉欣成日扮大牌，成日同劇組要求改通告，先跳拍佢戲份就自己，因此而連累其他演員冇時間休息。
之後又有傳媒指享有特權嘅係朱晨麗，成日要其他演員就佢開工時間，更試過要拍大場口嗰陣，朱晨麗突然間致電告知PA佢病咗唔開工，連累全劇人即時調動通告，而且朱晨麗係喺開工前半個鐘先通知，令唔少演員感到不滿。
對于被指扮大牌，龔嘉欣接受訪問時回應：「唔想單嘢繼續發酵落去，呢十幾年係自己捱出嚟嘅，工作態度從來冇變，清楚我嘅人都知道，我係一個點樣嘅人，總之清者自清。」
劇中同龔嘉欣有唔少對手戲嘅龔慈恩，亦力撐龔嘉欣，指佢絕對無扮大牌連累自己同其他演員，龔慈恩話：「完全冇咁嘅事，拍呢部劇大家都好攰好辛苦，大家都互相照顧，最辛苦係每一場戲都咁多人。」
問係咪朱晨麗成日要改通告嚟就自己？龔慈恩話「後生一輩都識得尊重前輩，好似上車落車都會幫我攞嘢，我覺得好窩心。」
朱晨麗今日回覆傳媒，傾到意思畀龔嘉欣暗寸，佢話：「我哋拍呢套劇嘅人，個個都好辛苦，個個都有唔舒服嘅時候，不過大家都好體諒，合作得好開心，所以我唔知佢講嘅係邊個。」
Like MisshkNews Facebook！不出门也能知天下事～
